Dukagjini ka arritur t’i marrë pikët e plota në ndeshjen ndaj Malishevës, të cilën e ka mposhtur me rezultat 2-0.
Golat për skuadrën e drejtuar nga Armend Dallku i shënuan Bujar Shabani në minutën e 68-të dhe Granit Elezaj në minutën e 94-të, shkruan Paparaci.com.
Malisheva luajti me një lojtar më pak në fushë pas ndëshkimit të Ardian Hotit me karton të kuq në pjesën e parë të takimit.
Dukagjini, pas nëntë ndeshjeve renditet në vendin e tetë në tabelë, ndërsa Malisheva mbetet në vendin e pestë. /Paparaci.com