Blerim Vela, shef i stafit në kabinetin e presidentes të Republikës së Kosovës, Vjosa Osmani, ka reaguar pas vrasjes së policit dhe plagosjes së një tjetri në Leposaviq.
Në një postim në platformën “X”, ai e ka akuzuar presidentin e Serbisë, Aleksandar Vuçiq, për agresion ndaj Kosovës.
Sipas tij, njerëz me uniforma pa shenja dhe me maska “little green men” (një referencë nga lufta e vitit 2014 me ushtarët rusë që kishin hyrë në Ukrainë duke bartur armatim) kanë hyrë 15 kilometra brenda territorit të Kosovës me automjete të blinduara.
“”Burrat e vegjël të gjelbër” të Serbisë me automjete të blinduara janë 15 kilometra brenda territorit të Kosovës (Banjska), ku një sulm terrorist kundër Policisë së Kosovës rezultoi me një polic të vrarë dhe një tjetër të plagosur. Vuçiq i është drejtuar një agresioni të paparë kundër Kosovës. Ai do të dështojë”, tha ai.
Paraprakisht, ai ka shkruar “Me Policinë e Kosovës”.