Ministria e Punëve të Brendshme ka njoftuar se është mbyllur për hyrje pika kufitare në Bërnjak nga Serbia, për shkaqe sigurie.
Një vendim i tillë vjen, pasi zyrtari i Policisë së Kosovës, Afrim Bunjaku, është vrarë dhe dy tjerë janë plagosur në orët e para të së dielës në fshatin Banjskë, në veri të Kosovës.
Liderët e shtetit ngjarjen e kanë cilësuar si sulm terrorist. Kanë hedhur akuza ndaj Serbisë, teksa kërkuan zbardhjen e rastit.
Dy policët e tjerë janë jashtë rrezikut për jetë dhe po trajtohen në Prishtinë.
Policia ka thënë se njësitet e saj janë duke u sulmuar kohë pas kohe nga grupe të organizuara dhe të armatosura.