Polemikat tashmë mund të përfundojnë pasi Kylian Mbappe ka arritur një marrëveshje më Real Madridin, duke u larguar pas 6 viteve nga PSG-ja.
Prej vitit 2017, në çdo afat kalimtar kishte spekulime për transferimin e tij tek klubi spanjoll, dhe më në fund kjo do të ndodhë pas disa muajsh pasi sulmuesit t’i skadojë kontrata me PSG-në.
Mediat franceze raportojnë se Mbappe ka hyrë në vitin 2024 duke pasur një marrëveshje me Realin.
🚨EXCL: ⚪️🇫🇷 #Liga |
❗️ Kylian Mbappé va rejoindre le Real Madrid la saison prochaine ✍️💣
▶️ Un accord a été trouvé ces derniers jours avec l’attaquant français 🔐
Avec @sebnonda https://t.co/utOlZ1dfgD pic.twitter.com/zrohH6MIs9
— Santi Aouna (@Santi_J_FM) January 7, 2024
Pak ditë më parë, pas triumfit në Superkupën e Francës, sulmuesi 25-vjeçar foli publikisht për të ardhmen e tij.
“Jam shumë i motivuar për këtë vit, është shumë i rëndësishëm. Duhet të kërkojmë tituj dhe morëm një të tillë. Me marrëveshjen që bëra me presidentin këtë verë, pavarësisht vendimit tim, arritëm të mbrojmë të gjitha palët dhe të ruajmë qetësinë e klubit për sfidat në vazhdim, gjë që mbetet gjëja më e rëndësishme. E di se çfarë do të bëj, nuk do të zgjasë shumë”, ka thënë ai.
Mbappe iu bashkua PSG-së nga Monaco në verën e vitit 2018 në një transferim prej 180 milionë eurosh, që është ende transferimi i dytë më i madh në historinë e futbollit.
Ai luajti 284 ndeshje për klubin nga Parisi, shënoi 237 gola dhe dha 101 asistime. Gjatë kësaj kohe ai ngriti edhe 14 trofe, pesë herë ishte golashënuesi më i mirë i ligës franceze, tre herë u shpall futbollisti më i mirë francez.