Prokurori i Shtetit tha se në Komunën e Suharekës është ndaluar një person, që dyshohet se ka kryer veprën penale “pengim i procesit të njoftimit”.
Sipas njoftimit, i dyshuari ka penguar procesin e votimit duke prishur rendin dhe qetësinë dhe më pas ka thyer edhe dritën fluoreshente.
Të dielën, qytetarët e Kosovës po votojnë për të zgjedhur kryetarët dhe asambletë komunale në 38 komuna.
Deri në ora 15:00, sipas të dhënave të Komisionit Qendror të Zgjedhjeve, të drejtën e votimit e kanë ushtruar 27 për qind e qytetarëve të Kosovës.