Të fundit

Lansohet Volkswagen Golfi i ri – vetura më e pëlqyer nga kosovarët

Volkswagen Golfi i ri ka arritur. Përditësimi i gjeneratës së tetë të modelit të njohur vjen i njohur si Golf MK8.5.

Golfi është një prej veturave më të njohura të të gjitha kohërave në botë. Ngelet kyç për Volkswgenin. Ndryshimet në modelin e ri janë më të rëndësishme se kurrë – vijnë në 50-vjetorin e modelit.

Modeli i ri vjen me agresivitet më të madh në pjesën e përparme. Volkswageni ka ndryshuar edhe dizajnin e dritave. Dizajni i ri i rrotave dhe ngjyrat e reja e bëjnë dallimin.

Interieri vjen me më shumë butona fizikë, siç pati paralajmëruar edhe vetë Volkswageni. Ka edhe ekrane të shumta të ndjeshme me prekje.

Si gjithmonë, R-Line është në krye të modelit Golf, ndërsa vijnë edhe variantet GTI e GTE.

Modeli karavan do të vazhdojë të jetë.

Përpos dizajnit, modeli i ri vjen edhe me përditësime në motorë.

Sa u përket motorëve, gjithçka nis me modelin benzinë 1.5-litërsh me 113 ose 148 kuajfuqi e që vijnë me marsh manual me gjashtë shpejtësi. Një version hibrid eTSI me motor 1.5-litërsh vjen me të njëjtën fuqi, por me marsh automatik.

Modeli 2.0-litërsh TSI dhe 201 kuajfuqi vjen me marshin DSG me shtatë shpejtësi.

Sa u përket dizelëve, modeli 2.0-litërsh vazhdon të qëndrojë me 113 ose 148 kuajfuqi. I pari është me marsh manual, e i dyti DSG.

Ata që nuk i duan motorët dizelë, kanë në dispozicion versionin eHybrid me 201 kuajfuqi.

Tash kur modeli i famshëm po mbush 50 vjet, Volkswageni po përgatitet për gjeneratën e nëntë. Kompania gjermane do t’ia nisë prodhimit në fund të dekadës në Wolfsburg. Mbetet të shihet nëse Volkswageni do të dalë në versionin vetëm elektrik.

Golfi është vetura më e pëlqyer nga kosovarët.

Video nga Paradoks

"Po m'thojnë mos kno se po knon keq": Ramush Haradinaj ia jep këngës live - e fton Mirandën në duet

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci