Në Fabrikën për Prodhimin e Dyshekëve Comodita Home në Gjakovë po qëndron për vizitë zyrtari i lartë tregtar i Shteteve të Bashkuara të Amerikës me bazë në Budapest të Hungarisë, Neil Pickett, njëherësh përgjegjës për rajonin.
Gjatë vizitës, amerikani u prit nga anëtarë të bordit të “Devolli Corporation”, ku dhe pa nga afër produktet të cilat prodhohen në fabrikën e Comodita Home.
Po ashtu Pickett vizitoi edhe laboratorin e kompanisë ku u njoftua për kualitetin, materialet dhe produktet finale të cilat prodhohen për eksport ndërkombëtar pëfshirë edhe ShBA-të.
Theksojmë që Comodita Home është prodhuesi më i madh i dyshekëve në Kosovë e rajon.
Dyshekët e ketij gjiganti kanë qenë kryeeksporti i Kosovës për vitin 2023 vlera e të cilëve arrin shifrën e 130 milionë euro.
