Edmond Lajqi dyshohet se vrau gruan e tij në Pejë mëngjesin e të martës.
Ai dyshohet se e vrau viktimën me armë zjarri në banesën e çiftit në rrugën ‘Bill Klinton’ në Pejë.
Lajmi është konfirmuar për Paparacin nga zëdhënësi i Policisë së Kosovës për Rajonin e Pejës, Driton Rugova.
Rugova tha për Paparacin se viktima, grua, ka vdekur në vendin e ngjarjes.
“Sot rreth orës 08:05 minuta, Policia është informuar për një rast i cili ka ndodhur në rrugën ‘Bill Klinton’ në Pejë. Ekipi mjekësor e ka konstatuar vdekjen e viktimës në vendin e ngjarjes. Vlen të ceket se i dyshuari për rastin është arrestuar dhe ndodhet në mbajtje në stacionin policor në Pejë”, tha Rugova.
Trupi i pajetë i viktimës akoma nuk është tërhequr nga vendi i ngjarjes.