Granit Xhaka do të mbetet të paktën edhe për një sezon te skuadra e Bayer Leverkusen, ka thënë drejtori sportiv i kampionit gjerman, Simon Rolfes.
Sipas Rolfes, Xhaka nuk do të largohet nga Leverkuseni dhe se ai do të vazhdoj të mbetet pjesë e rëndësishme e skuadrës.
“Sigurisht, një lojtar mund të largohet nga ne, por boshti i ekipit do të mbetet, 15, 16 lojtarët që u paraqitën më së shumti në gjatë këtij edicioni. Ata do të mbeten së bashku dhe ne do ta ndërtojmë ekipin mbi këtë bazë edhe në edicionin e ardhshëm”, ka thënë Rolfes, njofton të martën “Blick”.
Xhaka arriti të shkruaj historinë me Leverkusenin duke u shpallur për herë të parë kampionë të Gjermanisë.
Mesfushori 31-vjeçar me Leverkusenin ka kontratë deri në qershor të vitit 2028. Ai ka arritur të shënoj dy gola në 41 ndeshje dhe ka asistuar një herë.