Pas arrestimit të katër pjesëtarëve të Policisë së Kosovës, Zëvendësdrejtorit të Policisë së Kosovës, Dejan Jankoviqit i është caktuar masa e ndalimit deri në 48 orë, “për të vërtetuar faktet dhe kontrollet e nevojshme” lidhur me sigurinë e Republikës së Serbisë, kanë thënë nga MPB e Serbisë për agjencinë serbe të lajmeve Tanjug.
Personat e tjerë janë liruar pas kontrolleve të sigurisë.
Paraprakisht, MPB-ja e Serbisë ka kumtuar se katër pjesëtarë të Policisë së Kosovës janë ndaluar të mërkurën gjatë një kontrolli në vendkalimin kufitar dhe njëri prej tyre është ndaluar.
“Ata janë ndaluar gjatë kontrollit në vendkalime kufitare, për shkak të kontrolleve të sigurisë”, është pretenduar nga MPB-ja.
Nga Ministria e Punëve të Brendshme e Serbisë dje kanë thënë se pretendimet e Kosovës për “gjoja” ndalimin e autobusëve me targa të Kosovës në pikën kufitare të Batrovcit “janë të pabazuara” dhe kanë thënë se “policia nuk ka ndaluar askënd dhe as ka penguar hyrjen dhe kalimin e asnjë qytetari nga Kosova”./Paparaci.com