Ish-futbollisti i njohur tashmë analist, Thierry Henry, nuk e ka përkrahur ish-trajnerin e tij te Barcelona, Pep Guardiolën.
Henry, ndryshe nga shumë të tjerë, ka vlerësuar paraqitjen e skuadrës së Real Madridit në çerekfinale të Ligës së Kampionëve.
Ai ka deklaruar se mënyra se si Real Madrid mbrohej ishte thjesht mahnitëse dhe skuadra që u mbrojt më mirë edhe fitoi ndeshjen.
Unë e di që Man City kishte topin dhe këtë dhe atë, por mënyra se si Real Madrid mbrohej ishte thjesht mahnitëse. Ka diçka që quhet mbrojtje. Ju mund ta kontrolloni lojën duke u mbrojtur mirë. E di që njerëzit do të thonë se City ishte skuadra më e mirë, por mbrojtja është pjesë e lojës. Mendoj se skuadra më e mirë, skuadra që mbrohej mirë, kaloi”, deklaroi Henry.
Real Madridi arriti kualifikimin në gjysmëfinale vetëm pas ekzekutimit të penalltive. Koha e rregullt përfundoi me rezultat të barabartë, ndërsa në penallti më të saktë u treguan madrilenët.
Në gjysmëfinale Reali do të ketë punë me Bayernin, që dje eliminuan Arsenalin.