Real Madrid – Barcelona, kjo është sfida ‘El Clasico’ që filloi sot në 21:00 në “Bernabeu”.
Dueli mes dy rivalëve historik në Spanjë vlen për raundin e 32-të në La Liga, me vendasit e Ancelottit që vijnë pasi siguruan gjysëmfinalen e Champions League duke kaluar kampionët në fuqi të Man. Cityt, teksa Barcelona u eliminua nga PSG-ja.
Madrilenët vijnë si kryesuesit e kampionatit, me një diferencë prej 8 pikësh nga katalanasit e vendit të dytë.
Me këtë ndeshje ata mund ta vulosin përfundimisht çështjen e titullit kampion, teksa në të njëjtën kohë në rast të një fitoreje të të besuarve të Xavit, mund të rihapet përsëri gara e titullit duke qenë se diferenca mund të shkoj në vetëm 5 pikë mes tyre.