I pari i LDK-së, Lumir Abdixhiku kërkon dorëheqjen e ministres së Drejtësisë, Albulena Haxhiut, pasi ka marrë pjesë në fushatë zgjedhore në Maqedoninë e Veriut në ditën që në Kosovë ishte ditë zie për vrasjen e grave.
“Ke një ministre të drejtësisë që i vriten gratë në Kosovë dhe bën fushatë në Maqedoninë e Veriut. Po të kishte një kompas moral, do të duhej të tërhiqej, por si duket nuk ka. Në ditën e zisë bën fushatë në një vend tjetër, një ministre e drejtësisë e cila njihej për protestën kundër vetes”, tha ai në Rubikon.
Ai shprehet i trishtuar me siç thotë “nivelin e mos reagimit së shoqërisë civile në Kosovë”.
“Kanë qenë aq të gjalla e aktive, janë strukur kaq shumë në frikë prej popullizmit”, thotë kryetari./Paparaci