Policia e Kosovës e ka arrestuar të mërkurën në mbrëmje S.J., shtetas i Shqipërisë, nën dyshimin për vrasje të I.O., po ashtu shtetas i Shqipërisë.
Të enjten, në raportin 24-orësh, Policia ka thënë se S.J. dyshohet se qëllimshëm e ka goditur me veturë viktimën i cili ka qenë duke ecur.
“Është arritur të arrestohet i dyshuari shtetas i R. Shqipërisë, pasi që dyshohet se qëllimisht me veturë kishte goditur viktimën mashkull poashtu shtetas i R. Shqipërisë”, tha Policia.
“Si pasojë e plagëve te marra nga aksidenti, viktima ka ndërruar jete në Spitalin e Pejës”.
Me vendim të prokurorit, i dyshuari është dërguar në mbajtje, ndërsa trupi i pa jetë i viktimës është dërguar në IML për obduksion.