Sonte do të zhvillohet ndeshja e tretë gjysmëfinale e fazës së “Play-Offit”, mes Pejës dhe Golden Eagle Yllit.
Sonte edhe mund të mësohet skuadra e parë finaliste, me therandasit që janë më afër kalimit për në finale.
Ylli ka fituar dy ndeshjet e para gjysmëfinale dhe i duhet vetëm edhe një fitore për të siguruar finalet e “Play-Offit”.
Në anën tjetër, kampionia në fuqi e Kosovës nuk ka më asgjë për të humbur dhe synon që nga sonte të nisë misionin e vështirë, për përmbysje të serisë.
Ndeshja e sotme do të zhvillohet në palestrën sportive “Shani Nushi” të Gjakovës, me Pejën nikoqire.