Në hollin e Kuvendit të Kosovës sot po mbahen homazhe për ish-deputetin Ali Lajçi.
Homazhet kanë filluar nga ora 10:00 dhe do të mbahen deri në ora 12:00.
Lider shtetërorë dhe figura të njohura kanë bërë homazhe për nder të figurës tashmë të ndjerit, Ali Lajçi.
Pos presidentes së Kosovës, Vjosa Osmani dhe kryeparlamentarit, Glauk Konjufca, homazhe bëri edhe kryeministri i vendit, Albin Kurti.
Në kujtim të jetës së tij do të mbahet edhe akademi përkujtimore në Sallën e Kuqe të Pallatit të Rinisë.
Ndryshe, Ali Lajçi ka ndërruar jetë të dielën.
Ai ishte i dënuar politik nga regjimi i Serbisë. Në vitin 1981 ai ka qenë organizator i demonstratave, arsye për të cilën është dënuar me 15 vite burg.
