Kampioni i Gjermanisë, Bayer Leverkusen ka vazhduar ecurinë e tyre pa humbje edhe në garat evropiane. Leverkuseni arriti ndeshjen e 47-të pa humbje pasi shënoi fitore ndaj Romës.
‘Gjermanët’ shënuan fitore në gjysmëfinale të UEFA Europa League me rezultat 2:0, duke iu afruar bindshëm finales së dytë për këtë sezon, pas finales në Kupën e Gjermanisë.
Rezultati u zhbllokua nga Florian Wirtz në minutën e 29-të, ndërkaq epilogu final i takimit u vendos nga Robert Andrich me një supergol të shënuar.
Ndeshja e kthimit do të zhvillohet javën e ardhshmë në “shtëpi” të Leverkusenit.
Fituesi i këtij takimi do të takohet në finale me fituesin e takimit mes Atalantas e Marsielle.
Leverkuseni nuk ka asnjë humbje në 47 ndeshje gjatë këtij sezoni. Ata kanë shënuar gjithsej 39 fitore, teksa kanë arritur edhe tetë barazime.
Pas titullit të kampionit në Gjermani, skuadra e drejtuar nga Xabi Alonso është në garë edhe për titullin e Europa League dhe Kupës së Gjermanisë./Paparaci