Sonte do të zhvillohet ndeshja e pestë gjysmëfinale dhe vendimtare e “Play-Offit” të Superligës, mes Pejës dhe Golden Eagle Yllit.
Ndeshja mes Pejës dhe Yllit do të zhvillohet nga ora 19:00, në palestrën sportive “Karagaçi”, e cila për dallim nga ndeshjet e kaluar këtë radhë do të jetë e boshatisur për shkak të dënimit nga FBK-ja.
Therandasit e nisën në mënyrën më të mirë të mundshme këtë seri gjysmëfinale, duke fituar dy ndeshjet e para.
Por, kampionët në fuqi nuk u dorëzuan dhe fituan dy ndeshjet tjera radhazi për të barazuar serinë në 2:2, duke e lënë që gjithçka të vendoset në ndeshjen e pestë.
Edhe përballja e sontme pritet të jetë mjaft interesante. Pejanët kërkojnë përmbysjen e madhe, për të kaluar në finale duke synuar mbrojtjen e titullit.
Ndërsa, therandasit janë në kërkim të kalimit për në finale me synimin që ta rikthejnë titullin në Therandë.
Fituesi i këtij dueli do të përballet në finale me skuadrën e Trepçës.