Shefi i Grupit Parlamentar i Aleancës për Ardhmërinë e Kosovës (AAK), Besnik Tahiri, ka komentuar raportin e “Reporterëve Pa Kufij” i cili e nxjerrë Kosovën më keq se kurdo herë sa i përket lirisë së mediave.
Tahiri ka thënë se bazuar në të gjeturat e raportit, në rrezik është edhe demokracia zgjedhore meqë jemi në përfundim të mandatit.
“Ajo çfarë e bënë tejët shqetësues luhatjen si dhe rënien e trendit të indeksit të lirisë së shtypit në Kosovë, është fakti që kur kjo ndodh në përfundim të mandatit të një qeverie, demokracia zgjedhore është në rrezik”, ka thënë Tahiri.
Sipas tij, kjo çështje nuk duhet të kalojë pa dhënë llogari edhe në Kuvendin e Republikës së Kosovës.
“Konstatimi se liria e medias kërcënohet nga rregullimi i politizuar është alarm për secilin që besom në demokraci. Kjo çështje nuk do të kalojë pa u kërkua llogari në Kuvend”, përfundoi ai.