Këtë të shtune është përuruar shtatorja e heroit kombëtar, Gjergj Kastrioti – Skënderbeut.
Në ceremoninë e përurimit mori pjesë edhe kryetari i AAK-së, Ramush Haradinaj, i cili tha se Skënderbeu është simbol i unitetit shqiptar dhe lidhjes së përhershme me Perëndimin.
“Simboli i unitetit shqiptar dhe lidhjes sonë të përhershme me Perëndimin, Gjergj Kastrioti- Skënderbeu, Gjenerali që është frymëzim për secilin shqiptar e trashëgimia e së cilit frymëzoi përpjekjet tona për liri përgjatë shekujve nga sot do i bëjë roje Gjakovës heroike”, shkroi Haradinaj, transmeton Paparaci.
Më tej, ai falënderoi kryetarin e Gjakovës, Ardian Gjinin dhe donatorin Gjergj Prenkoçaj për veprën patriotike, të cilën ai e quajti të domosdoshme.
Zbulimi i monumentit u bë në platon e madhe të parkut të qytetit të Gjakovës, dhe pikërisht në 25-vjetorin e çlirimit të këtij qyteti.
Në ceremoni kanë marrë pjesë kryetari i komunës së Gjakovës, politikanë dhe shumë qytetarë.
