Të shtunën është arrestuar njëri nga të dyshuarit që tentoi t’ia vënte zjarrin shkollës “Meto Bajraktari” në Prishtinë.
Derisa, Policia e Kosovës, njoftoi se më 5 maj është arrestuar edhe personi tjetër i dyshuar.
Siç bëhet e ditur në raportin 24 orësh të Policisë së Kosovës, i dyshuari pas intervistimit është dërguar në mbajtje.
Më 3 maj, Policia e Kosovës njoftoi se dy persona të panjohur, të maskuar, kishin thyer dritaren e objektit të shkollës e se kishin hedhur benzinë e kishin tentuar t’ia vënë zjarrin shkollës, por pasi ishin vënë re nga personeli i shkollës kishin ikur.