Gani Jakupi, i angazhuari nga Ministria e Punëve të Jashtme e Kosovës si konsulent i jashtëm për Ambasadën e Kosovës në Bruksel, e ka shpërndarë një lajm të rremë se kinse Zëvendës Ndihmës Sekretari amerikan i Shtetit, Gabriel Escobar, po shkarkohet nga detyra.
Në një shkrim në Twitter të dielën, Jakupi iu gëzua lajmin të rremë të “shkarkimit” të të dërguarit special të SHBA-së për Çështjet e Ballkanit Perëndimor.
“Shumë e “jetimin” paska m’e lanë n’Kosovë!”, ka shkruar Jakupi në “X”.
Lajmin e shpërndarë nga Gani Jakupi, Departamenti amerikan i Shtetit e quajti falsifikim në një përgjigje për Gazetën Express.
Një zëdhënës i DASH-it tha se “pretendimet e bëra nga Vudi Xhymshiti janë vërtet të rreme” dhe se Zëvendës Ndihmës Sekretari Gabriel Escobar nuk është shkarkuar nga posti i tij.
Shumë e “jetimin” paska m’e lanë n’Kosovë!
☹️ https://t.co/ThrTqZ4kLy— Gani Jakupi (@GaniJakupi) May 5, 2024