Një çift në Kishnicë të Komunës së Graçanicës janë ndarë dje, pasi paraprakisht burri e lajmëroi policinë se ka një mosmarrëveshje me bashkëshorten e tij, rreth përdorimit të veturës së tyre.
Pas këtij denoncimi, ai ka deklaruar se nuk do të jetojë më me tashmë ish-gruan e tij.
Në konsultim me prokurorin, e dyshuara është dërguar tek familja e saj, ndërsa rasti është duke u hetuar.
“Kishnicë 07.05.2024-22:00. Ankuesi mashkull kosovar ka raportuar se ka një mosmarrëveshje me të dyshuarën- bashkëshorten e tij, rreth përdorimit të veturës së tyre dhe po ashtu ka deklaruar se, nuk dëshiron të vazhdojë të jetojë më tutje me të-bashkëshorten e tij. Në konsultim me prokurorin, e dyshuara është dërguar tek familja e saj, ndërsa rasti është duke u hetuar”, thuhet në njoftim.