Dy persona janë arrestuar për vjedhje të rëndë në Godanc të Epërm të Shtimes.
Ata dyshohet se kanë vjedhur katër bateri akumuluese nga antena e Telekomit të Kosovës dhe kishin dëmtuar alarmin dhe kapakun e baterive të antenës.
“Me datën 07.05.2024 rreth orës 19:38 policia e stacionit në Shtime ka pranuar një informacion se në fshatin Godanc i Epërm të Shtimes, në objektin e antenës së Telekomit të Kosovès është duke u kryer një vjedhje” thuhet në njoftim.
Patrullat e policisë menjëherë kanë dalë në vendin e ngjarjes ku kanë hasur një veturë Ford Focus me targa vendore dhe dy persona të dyshuar.
Gjatë kontrollit të tyre dhe veturës, në bagazhin e veturës janë gjetur 4 bateri akumuluese elektrike, të cilat dyshohet se ishin vjedhur nga antena e Telekomit të Kosovës, ndërsa kishin dëmtuar alarmin dhe ( kapakun e baterive ) të antenës.
Të dy të dyshuarit janë arrestuar dhe pas intervistimit nga hetuesit policorë me vendim të prokurorit janë ndaluar në mbajtje për 48 orë për procedura tjera hetimore.