Kryetari i AAK-së, Ramush Haradinaj vlerëson qeverisjen e Ardian Gjinit në Gjakovë. Ai e quan atë model të kryetarit të suksesshëm, derisa thotë se Gjini i ka ofruar qytetarëve infrastrukturë dhe projekte të rëndësishme që i kanë dhënë hov zhvillimit të Gjakovës.
Gjatë vizitës në Gjakovë, Haradinaj njofton se panë nga afër punimet në Lumin Krena.
“Gjatë vizitës në këtë qytet, pamë nga afër punimet në Lumin Krena, projekt që ka zgjidhur jo vetëm problemin me ujërat e zeza por është shndërruar në një vend atraktiv për bizneset dhe qytetarët”.
Më pas, të dy u pritën në Teqen e Shejh Eminit.
“Po ashtu, bashkë me kryetarin Gjini u pritëm ngrohtësisht nga Shejh Ruzhdi Shehu, në Teqen e Shejh Eminit, një vend ku gërshetohen historia, sakrifica dhe traditat e popullit shqiptar”.