Siç bëhet e ditur nga “BBC”, ylli i Kombëtares së Anglisë dhe Manchester Cityt, Jack Grealish është gjobitur për shpejtësi.
Futbollisti 28-vjeçar u urdhërua të paguante 666 funte për shpejtësinë 70 km/h në një zonë 50 km/h.
Një gjykatë dëgjoi se ai u kap duke ecur me shpejtësi nga një kamerë celulare në Station Road, Wythall, Worcestershire, ndërsa ngiste një Range Rover Sport në mëngjesin e 17 korrikut të vitit 2023.
Policia në Worcester i dhanë gjithashtu pesë pikë dënimi ish-kapitenit të Aston Villas, i cili nuk u paraqit në gjykatë, por u deklarua fajtor përmes avokatit të tij.
Grealish, nga Barnt Green, Worcestershire, u urdhërua gjithashtu të paguante 110 funte për shpenzimet gjyqësore dhe një pagesë shtesë prej 266 funtesh për viktimën, duke e lënë atë me një faturë totale prej 1,042 funtesh.
U hoq akuza për mosdhënie informacioni në polici në lidhje me identifikimin e drejtuesit të mjetit.
Pasi konfirmoi se dënimi maksimal për shkeljen ishte 1000 funte, i reduktuar në 666 funte pas pranimit të fajit, avokati i tij John Dye tha: “Ai mund të përballojë të paguajë këtë shifër. Më kërkohet të kërkoj falje në emër të tij. Ishte një gabim”.