Zëvendësndihmësi i Sekretarit të Shtetit, Gabriel Escobar në një bashkëbisedim ‘online’ me gazetarë ka thënë se palët në Ohër ishin pajtuar për implementimin e të gjitha marrëveshjeve të arritura, përfshirë Asociacionin, por që kanë dështuar.
I dërguari i Posaçëm i ShBA-së për Ballkanin Perëndimor tha se në KiE ka shqetësime të vendeve anëtare për respektimin e të drejtave të minoriteteve.
“Mendoj se pritjet për dy palët janë të qarta. Në Ohër ishte pajtuar që të gjitha elementet e marrëveshjes të implementoheshin menjëherë. Kjo do të thotë implementimi i Asociacionit dhe Serbisë që të mos e bllokonte Kosovën në anëtarësimin në organizatat ndërkombëtare, por të dy palët kanë dështuar”.
“Në Këshillin e Evropës e di se ka shqetësime te disa shteteve se Asociacioni nuk është implementuar dhe disa kërkesa të tjera që janë bërë vazhdimisht në dy vitet e fundit dhe disa çështje të tjera që kanë të bëjnë me minoritetin serb nuk janë përmbushur. Këto janë shqetësimet se Kosova nuk mund të ketë pranohet në Këshillin e Evropës”.
“Në shtegun evropian është e rëndësishme për Kosovën që të dëgjojë partnerët evropianë”, ka thënë Escobar kur është pyetur nëse Kurti nuk po i dëgjon diplomatët evropian.
“Imlementimi i Asociacionit me Këshillin e Evropës janë shumë të lidhura, një është se Këshilli i Evropës është për trajtimin e minoriteteve dhe kjo ka të bëjë me Asociacionin”.