Real Madridi ka mposhtur Bayernin Munichun me rezultat 2-1 në ndeshjen e dytë gjysmëfinale të Ligës së Kampionëve duke siguruar një vend në finalen e madhe.
Matthijs de Ligt shënoi atë që ai mendoi se ishte një gol i barazimit në minutat e fundit të kohës shtesë, por ai u përjashtua nga gjyqtarët.
Gjyqtari anësor ngriti flamurin e tij dhe – përpara se mbrojtësi të godiste topin – gjyqtari fryu bilbilin për të sinjalizuar pozicion jashtë loje.
Bayern kuptueshëm ishte i pakënaqur me vendimin, me De Ligt që sugjeroi që gjyqtarët e ndihmojnë Real Madridin.
Megjithatë, pas ndeshjes ka folur trajneri i Los Blancos, Ancelotti, i cili ka thënë se do të ankohen edhe ata pas ankesave të Bayernit.
“Episodi jashtë loje është i thjeshtë për t’u shpjeguar. Ndoshta nuk ishte jashtë loje, por gjyqtari vërshëlleu (para golit) dhe ne pushuam së luajturi. Kjo është e gjitha”.
“Bayern u ankua për pozitën jashtë loje? Në rregull, kështu që ne ankohemi për golin e anuluar të Nachos… sepse Kimmich simuloi”, ka thënë Ancelotti.
Real Madridit iu anulua një gol në minutën e 69-të pasi rishikimi i VAR-it tregoi se Nacho e faulloi Joshua Kimmich gjatë goditjes nga këndi që çoi në gol.