Mbrojtësi i Bayernit, Matthijs de Ligt, ka thënë se anësori i ka kërkuar falje që ngriti flamurin për pozicion jashtë loje para se ta çonte topin në rrjet, që do të ishte goli i barazimit në gjysmëfinalen e Ligës së Kampionëve kundër Real Madridit të mërkurën.
Mbrojtësi holandez shënoi në minutat shtesë në atë që do ishte goli i barazimit 2:2 dhe do ta dërgonte ndeshjen në shtesë. Por goli nuk u llogarit pasi gjyqtari dha fishkëllimën për ‘offside’ para se të zhvillohej aksioni.
“Anësori më tha: ‘Më falni, bëra një gabim’ “, ka thënë De Ligt pas humbjes 2:1 nga Reali, në të cilën Joselu shënoi dy gola për ta përmbysur rezultatin dhe për t’i çuar “Mbretërit” në finalen e 1 qershorit kundër Dortmund.
“Rregulli thotë se nëse pozita jashtë lojës nuk është e qartë, loja duhet të vazhdojë. Dhe nëse në minutën e fundit fishkëlleni kështu, mendoj se ky është gabim i madh. Nëse është ‘offside’ apo jo, nuk e di, VAR mund ta kontrollojë, por nëse nuk e kontrollon, si mund ta shohësh? Ky është turp”, ka thënë holandezi pas ndeshjes.
🚨ESCANDALO MUNDIAL🚨
De Ligt:
🔥"El arbitraje de Szymon Marciniak
ha sido una VERGÜENZA Si no está claro hay que DEJAR jugar y NO pitar fuera de juego. Con el gol de Joselu ha DEJADO jugar, pero con nosotros SI que lo ha pitado. Es INCREIBLE"💣BRUTAL pic.twitter.com/BD4aosn4zv
— madridblaugrana (@madridblaugrana) May 9, 2024