Shqipëria do të performojë sonte në gjysmëfinalen e dytë të festivalit madhështor evropian, “Eurovision Song Contest”.
Këtë vit, këngëtarja e njohur Besa Kokëdhima e përfaqëson Shqipërinë me këngën “Titan” derisa këndon e dyta me renditje.
Besa, e cila ka bërë disa modifikime në këngë nga versioni i parë, pritet të rrëqeth publikun me performancën e saj elektrizuese.
Ajo do të jetë në shoqërinë e tre valltareve, të cilat do t’i japin ngjyrim të mëtejmë performancës së saj.
Eurovisioni këtë vit po mbahet në Malmo të Suedisë pas fitores triumfuese të Loreen në edicionin e vitit të kaluar.
Gjysmëfinalja e parë u mbajt të martën më 7 maj ku përformuan 15 shtete, prej të cilave 10 vende siguruan finalen e madhe.
Ndërsa sot në gjysmëfinalen e dytë do të performojnë 16 shtete.