Ish-gjyqtari i njohur spanjoll, Antonio Mateu Lahoz ka komentuar situatën e diskutueshme në fund të ndeshjes gjysmëfinale të Ligës së Kampionëve, në të cilën Reali mundi Bayernin dhe kaloi në finale.
Sipas Lahoz, ajo çfarë ka ndodhur dje është gjëja më e keqe që mund t’i ndodh një gjyqtari.
“Ndodhi një fatkeqësi që askush nuk e donte, u pengua mundësia e përdorimit të VAR. Ndodhi gjëja më e keqe që mund të ndodhte në arbitrim. VAR nuk mundi të ndihmonte, loja nuk u ndal me ngritjen e flamurit, por nga bilbili i arbitrit”, tha ai.
Lahoz theksoi se është normale që arbitrat ndonjëherë gabojnë, por gjithsesi ka mbetur i befasuar nga vendimi i Marciniak për të ndërprerë lojën dhe për të ndihmuar Realin.