Trajneri i Kosovës U-21, Afrim Tovërlani ka reaguar në mosbesim për shpalljen e kandidaturës nga Federata Shqiptare e Futbollit për organizimin e një Kampionati Evropian të përbashkët me Serbinë.
Shqipëria, dje njoftoi se ka shpallur zyrtarisht kandidaturën që së bashku me Serbinë të jenë vende organizatore të Kampionatit Evropian të U-21 “Euro 2027”.
Tovërlani, që është trajner i Kosovës U-21, reagoi ashpër në rrjetin social Facebook të enjten në mbrëmje.
Ai pyeti drejtuesit e institucioneve shqiptare të futbollit: “A jeni more normal?”.
“O robt…”, shkroi Tovërlani, pa e zgjatur më tej fjalinë.