Kombëtarja e Gjermanisë ka mbyllur pjesën e parë me epërsi prej tre golave, në ndeshjen e parë të Kampionatit Evropian “Euro 2024”.
Gjermania arriti të shënoj tre gola në pjesën e parë ndaj Skocisë.
Golin e parë e shënoi Wirtz në minutën e 15-të, teksa pesë minuta pas tij epërsia u dyfishua nga Musiala me një supergol.
Golin e fundit të pjesës së parë e shënoi Havertz, i cili realizoi nga penalltia pas një ndërhyrje të palejuar ndaj Gundogan.
Skocia ka mbetur me një futbollist më pak, ndërsa gjasat për një rikthim të rezultatit janë të pakta.