Anësori i kombëtares angleze Phil Foden është larguar përkohësisht nga kampi bazë i ekipit kombëtar në Euro 2024 për arsye familjare, tha të mërkurën zëdhënësi i federatës angleze.
Jo shumë kohë pas atij njoftimi, mbërriti një njoftim i ri, kësaj radhe në mediat angleze duke treguar arsyen e largimit të sulmuesit të Manchester Cityt.
Sipas raportimeve nga mediat angleze, Foden u largua nga kampi për shkak të lindjes së një fëmije.
Foden luajti si titullar tre ndeshje të xhiros së parë dhe pritej të ishte në njëmbëdhjetëshen startuese të 1/16-tës, që është caktuar për 30 qershor në Gelsenkirchen.
Gjatë Kupës së Botës 2022, mbrojtësi Ben White dhe sulmuesi Raheem Sterling gjithashtu u kthyen në Angli për arsye personale pa u kthyer më pas në Katar.
Sa i përket Fodenit, federata nuk dha asnjë tregues për një datë të mundshme për rikthimin e tij në Gjermani.