Edhe Grupi E tashmë ka përmbyllur fazën e grupeve në Kampionatin Evropian me të katër skuadrat që kanë marrë nga katër pikë.
Xhiroja e fundit e fazës së grupeve u zhvillua sot, megjithatë përsëri rezultatet ishin të njëjta.
Rumania barazoi me Sllovakinë me rezultat 1:1, kurse me barazim pa gola u mbyll dueli mes Belgjikës e Ukrainës.
Të katër skuadrat kanë nga një fitore, një barazim e një humbje, në tri ndeshje gjithsej sa kanë zhvilluar.
Për shkak të dallimit në gola dhe rezultateve në përballjet direkte është mësuar se edhe kush është kualifikuar.
Nga pozita e parë është kualifikuar Rumania, kurse në pozitën e dytë ka përfunduar Belgjika.
Sllovakia do të tentojë kualifikimin nga pozita e tretë, ndërkaq Ukraina është eliminuar.
Faza e grupeve do të përmbyllet sot me dy ndeshjet e Grupi F, ndërkaq faza e eliminimeve direkte do të nis të shtunën me ndeshjen mes Gjermanisë e Sllovenisë.