Gjykata Kushtetuese i ka shpallur të pavlefshme disa nene të Ligjit të ndryshuar për Këshillin e Pavarur Mbikëqyrës për Shërbimin Civil të Kosovës.
Në një aktgjykim të shpallur të enjten, Gjykata tha se disa nene të këtij Ligji shkelin Kushtetutën.
Në njoftimin e Gjykatës tha se tri nene, 2, 7 dhe 8 të Ligjit janë kundër-kushtetuese.
Shtatë gjyqtarë të Kushtetueses kanë votuar për ankesat e paraqitura nga deputetët e Partisë Demokratike e Kosovës dhe Lidhjes Demokratike e Kosovës, ndërsa dy kanë votuar kundër.
“Gjykata, ka vendosur që (i) njëzëri, të deklarojë kërkesën e pranueshme; dhe të konstatojë (ii) njëzëri, që nenet 2, 7 dhe 8 të Ligjit të kontestuar, nuk janë në përputhshmëri me paragrafin 1 të nenit 24 [Barazia para Ligjit] dhe nenin 32 [E Drejta për Mjete Juridike] në ndërlidhje me paragrafin 2 të nenit 101 [Shërbimi Civil] të Kushtetutës dhe të shpallë të njëjtat të pavlefshme; (iii) me shtatë (7) vota për dhe dy (2) vota kundër, që neni 6 i Ligjit të kontestuar, nuk është në përputhshmëri me paragrafin 2 të nenit 101 [Shërbimi Civil] të Kushtetutës dhe të shpallë të njëjtin të pavlefshëm”, thuhet në njoftimin e Gjykatës.
Gjykata Kushtetuese në vendim referon ligjin që të shpallet nga presidentja sipas modaliteteve të përcaktuara në Aktgjykimin e Gjykatës dhe pa disa nene të Ligjit në fjalë.
Ankesë kundër këtij Ligji kishin parashtruar 20 deputetë, dhjetë të PDK-së dhe dhjetë të tjerë të LDK-së.
Ndryshimet ligjore në Ligjin për KPMShCK-në ishin miratuar në Kuvendin e Kosovës para nëntë muajsh. /Paparaci.com