Një vajzë 13-vjeçare ka humbur jetën pasi u godit nga rrufeja në veri të Greqisë gjatë një stuhie të papritur shiu të verës.
Zyrtarët thanë se vajza greke kishte qenë duke notuar me prindërit e saj në plazhin Faros, pranë Poseidi në Halkidiki, një zonë turistik në juglindje të Selanikut, e njohur për vizitorët grekë dhe të huaj.
Kryebashkiakja e Kassandreia, Anastasia Halkia tha se familja doli nga deti sepse sapo kishte filluar të binte shi, por moti u përkeqësua shumë shpejt.
“Ishte shumë rrufe”, tha ajo. “Është një lloj stuhie verore që zakonisht nuk shkakton ndonjë telash.”
Policia tha se vajza u dërgua në spital, ku u konstatua e vdekur. Prindërit e saj ishin të padëmtuar.