Anglia mposhti Sllovakinë me rezultat 2:1 në një ndeshje dramatike në 1/16-at.
Së pari, në minutën e pestë të shtesës, Jude Bellingham e çoi ndeshjen në vazhdime me një goditje gërshërë, e pastaj Harry Kane konfirmoi fitoren e Anglisë.
Megjithatë, jo të gjithë tifozët e panë këtë kthesë të Anglisë në Gelsenkirchen, sepse disa bënë një gabim fatal. Të zhgënjyer me paraqitjen e kombëtares së tyre, tifozët anglezë u larguan herët nga stadiumi.
Sllovakët patën avantazhin në pjesën e parë dhe tifozët e favoritit të madh humbën gradualisht besimin në skuadrën e tyre. Shumë prej tyre u larguan nga stadiumi para përfundimit të lojës, të bindur se nuk do të kishte asgjë për t’u parë.
“Kjo është marrëzi. Southgate duhet të shkarkohet”, thanë tifozët teksa po largoheshin nga Veltins-Arena në Gelsenkirchen. Nuk e kishin idenë se do të humbisnin ndoshta golin më të bukur të kampionatit deri tani.
Analysis from some of the England fans leaving the stadium early. pic.twitter.com/0TDzcbdl1x
— Tyrone Francis (@TJFrancisLive) June 30, 2024
Tashmë fansat do të pendohen gjithë jetën që nuk qëndruan deri në fund. Për shkak të padurimit të tyre, ata humbën rikthimin e madh të ekipit të tyre dhe kalimin në çerekfinale.