Sot është ndarë nga jeta shkrimtari i madh shqiptar, Ismail Kadare.
Për vdekjen e tij ka shkruar presidenti i Shqipërisë, Bajram Begaj.
Begaj, përmes një postimi në profilin e tij në rrjetin social Facebook, ka shkruar se Shqipëria dhe shqiptarët sot humbën gjeniun e tyre të letrave, ndërsa bota ndër përfaqësuesit më të spikatur të letërsisë modern.
“Shqipëria dhe shqiptarët humbën sot gjeniun e tyre të letrave, emancipuesin e tyre shpirtëror, Ballkani poetin e miteve të tij, Evropa dhe bota ndër përfaqësuesit më të spikatur të letërsisë moderne. Të qoftë e lehtë lëndina në panteonin e përjetësisë, Kolosi ynë i mendimit dhe i penës!”, ka shkruar Begaj në Facebook.