Albin Kurti ka thënë se me vdekjen e Ismail Kadares, shqiptarët humbën shkrimtarin më të madh të të gjitha kohërave, ndërsa “bota humbi shkrimtarin e saj më të madh të gjallë.”
Në një nderim pas vdekjes, Kurti tha se arti dhe kultura shqiptare i kanë borxh të pamatshëm “oqeanit të mendjes” së Ismail Kaderesë.
I përkthyer në më shumë se 45 gjuhë dhe fitues i çmimeve më të mëdha letrare (Man Booker, Prince of Asturias, Jerusalem Prize), Ismail Kadare vdiq në Tiranë, të hënën më 1 korrik, në moshën 88-vjeçare.
“Ne humbëm shkrimtarin më të madh të të gjitha kohërave, bota humbi shkrimtarin e saj më të madh të gjallë”, tha Kurti. “Anija e romaneve të Kadaresë do të lundrojë pafundësisht, për aq sa bota do të ketë lexues dhe shqipja shqiptarë”.
Ismail Kadare lindi më 28 janar 1936 në Gjirokastër.