Një ditë para ndeshjes me Belgjikën në fazën e 16-të të Euro-s, kapiteni francez Kylian Mbappe ka treguar se sa shumë “dhimbje koke” i shkakton maska.
“Nuk e mendoja se do të ishte kështu, por të luash me maskë është absolutisht e tmerrshme, tmerr”, tha Mbappe për mediat.
Kujtojmë, ylli më i madh i tre-kolorëve theu hundën në paraqitjen e tij të parë në Euro në fitoren 1:0 ndaj Austrisë, më pas humbi barazimin pa gola me Holandën, për t’u rikthyer në provën e fundit të fazës së grupeve, në të cilën francezët barazuan me polakët 1:1.
Mbappe do të duhet të mbajë maskë mbrojtëse në duelin me belgët, por edhe në të gjitha ndeshjet e mbetura të Francës në Gjermani.
Siç thotë ai, ka provuar shumë prej maskave, por…
“Nuk më pëlqeu diçka në secilën prej tyre, prandaj ndryshova kaq shumë prej tyre. Është vërtet e vështirë. Kufizon shikimin dhe djersa nuk ka ku të shkojë, ndaj duhet ta heqësh vazhdimisht”, thotë Mbappe dhe shton:
“Kur të mund ta heqë, do ta heqë, por nuk kam zgjidhje tjetër. Ky do të jetë turneu im. Vetëm kështu mund të luaj. Është vërtet e bezdisshme, por duhet të falënderoj maskën”.