Për aq vite sa jetuan ne këto shtëpi, banorët e rrugës Ismail Dumoshi në Prishtinë nuk po gjejnë qetësi këtë të hëne.
Shtatë familje të vjetra të Prishtinës, të cilët kanë jetuar në këto prona për dhjetëra vite, kanë nisur të dëbohen sot me urdhër të Gjykatës dhe me asistencën e Policisë së Kosovës.
Padinë e ka bërë Bashkësia Islame e Kosovës, e cila e ka dëshmuar pronësinë mbi këto shtëpi në afërsi të selisë së saj dhe e ka fituar rastin në Gjykatë.
Një nga shtatë familjet është dëbuar sot nga shtëpia.
Sipas avokatit te BIK-ut, aksioni i sotëm është ndërmarrë me vendim Gjykatës dhe se banoret janë paralajmëruar paraprakisht per një veprim te tillë.
Aksioni i BIK-ut do të vazhdojë edhe në gjashtë shtëpi te tjera te cilat janë pronë e BIK-ut.
Ndërsa, avokati Hamdi Jashari, i cili përfaqëson njërën nga familjet thotë se vendimi i përmbaruesit ka qenë i ngutshëm.
Ata që me së shumti e pësuan normalisht se janë vet banorët.
Banorët thanë se nëse largohen nga këtu nuk kanë strehim tjetër.