Një rast i dhunës në familje ka ndodhur të dielën në fshatin Peqan të Komunës së Suharekës.
Burime të Paparacit bëjnë të ditur se të përfshirë në rast janë babë e bir, ku dyshohet se pas një mosmarrëveshje familjare, mes të dyshuarëve njëri nga ta kishte tentuar ta marrë një sopatë dhe ta sulmojë tjetrin.
Të arrestuarit janë A.Gashi (viti i lindjes 1956) dhe B.Gashi (viti i lindjes 1990), të cilët janë dërguar në mbajtje për 48 orë.
Për rastin ka njoftuar edhe Policia e Kosovës përmes një komunikate publike.
“Me 30.06.2024 Stacioni Policor Suharekë, ka pranuar informacion se në fshatin Peqan të Suharekës është një rast i dhunës në familje. Njësitet policore menjëherë i janë përgjigjur rastit duke lokalizuar, identifikuar dhe arrestuar të dyshuarit A..G (viti i lindjes 1956) dhe B..G (viti i lindjes 1990), të cilët dyshohet se pas një mosmarrëveshje familjare, mes të dyshuarave njeri nga ta kishte tentuar ta marr një sopat dhe ta sulmoj.
Sektori i hetimeve të Stacionit Policor ne Suharekë, gjatë hetimit të rastit ka gjetur prova se i dyshuari posedon A G, edhe armë pa leje dhe gjatë kontrollit ne shtëpinë e tije është gjetur dhe sekuestruar ne cilësinë e provave materiale këto armë: Një pistoletë kalibër 7.62 mm, një fishek te kalibrit 7.62 dhe një karikator.
Prokurori i shtetit ndaj të dyshuarve ka lëshuar masën e ndalimit për 48 orë dhe ndaj tyre do të ngritët kallëzim penal për veprat penale ‘Dhunë Familjare “ ,‘Kanosje ’’ dhe ‘’Mbajtja në pronësi, kontroll ose posedim të paautorizuar të armëve’’”./Paparaci