Deputeti i Kuvendit të Kosovës, Xhavit Haliti rrëfeu takimet e tij me shkrimtarin e madh Ismail Kadare, që ndërroi jetë mëngjesin e sotëm.
Ai kujton një takim me të në Hotel Dajti, ku thotë se Kadare ishte i acaruar e shante.
“Nuk e kemi admiruar Kadarenë si disident, e kemi parë si njeriu më të madh të kombit. Dhe për herë të parë e kam takuar në 78 79 në Prishtinë. E kemi pritur në hollin e Hotel Grandit. Isha mësuar me takuar politikanë, koreografë nga Shqipëria. U përfaqshim me njëri tjetrit, ishim të ngrohtë me njëri tjetrit. U çuam me u përqaf Kadarenë. Ai ishte i ftohtë. Na dha dorën.
Pastaj, kam pas një histori kur ka ardhur në Zyrih me ftesë të një grupi zviceran. U mblodhëm disa shok e shoqe me shkuar me u bërë popull. Dhe normalisht kishte ardhur dhe fliste me ta frëngjisht. Ne filluam ta duartrokasim me ritmin tonë,. Pa disi me çudi ata duartrokitje. Hera e tretë e kam parë të acaruar në hotel Dajti. Ishte dikush nga shkrimtarët më të rinj, ishte i acaruam, shante. Kishte diçka me politikën. Isha i ri dhe nuk isha i futur brenda”, u shpreh Xhavit Haliti.