I dërguar i posaçëm i Bashkimit Evropian për dialogun Kosovë – Serbi, Miroslav Lajçak ka treguar për takimin e javës së kaluar në mes kryeministrit të Kosovës, Albin Kurtit dhe presidentit të Serbisë, Aleksander Vuçiq.
Lajçak tha se nga ky takim nuk është parë ndonjë përparim për zbatimin e marrëveshjes për rrugën e normalizimit të raporteve.
“Fatkeqësisht, nuk kemi parë ndonjë përparim në zbatimin e Marrëveshjes për Rrugën e Normalizimit. Diskutimet ishin sfiduese si kurrë më parë”.
Megjithatë, Lajçak thotë se “puna jonë vazhdon nesër kur do të mbledh kryenegociatorët për të hapat konkretë për zhbllokimin e zbatimit të marrëveshjes”.