Kandidati i LDK-së për kryeministër, Lumir Abdixhiku ka falënderuar për përkrahësit që shkuan në tubimin për hapjen e fushatës në Pallatin e Rinisë në Prishtinë.
Ai ka thënë se nga sonte LDK-ja është më e bashkuar dhe dalin me bindje se është ndryshimi për Kosovën.
“Ju faleminderit që i dhatë kaq shumë mbështetje ndryshimit tonë! Tubimi i madh i hapjes ishte madhështor, përplot energji, ishte mrekulli”, ka thënë Abdixhiku.
“Nga sonte jemi të bashkuar! Nga sonte qëndrojmë të fortë! Nga sonte dalim me bindje të plotë se ‘Ne jemi ndryshimi’ për Kosovë”, ka thënë ai.
“9 shkurti është fati ynë. 9 shkurti është thirrja jonë! 9 shkurti është fitorja jonë!”, ka thënë kandidati i LDK-së për kryeministër.