Kandidati për deputet nga AAK, Daut Haradinaj, ka bërë homazhe te varri i Presidentit Dr. Ibrahim Rugova, në nder të figurës që la gjurmë të thella në historinë e vendit.
Haradinaj theksoi rëndësinë e nderimit të liderëve që kanë kontribuar në lirinë dhe pavarësinë e Kosovës, duke shtuar se “Kur nderon njerëzit që kanë lënë gjurmë në histori, nderon edhe veten”.
“Është nder i madh të kujtojmë dhe të respektojmë Presidentin Dr. Ibrahim Rugova, një udhëheqës të jashtëzakonshëm që udhëhoqi popullin në momentet më të vështira. I përjetshëm kujtimi për ty, President Dr. Ibrahim Rugova!”, u shpreh Haradinaj.