Kandidati për kryetar të Vushtrrisë, Ferit Idrizi, ka zhvilluar një vizitë në kompaninë “Ciao Berto”, një nga bizneset më të suksesshme të qytetit.
Në postimin e tij në rrjete sociale, Idrizi ka vlerësuar punën dhe përkushtimin e familjes Krasniqi, duke e cilësuar biznesin si një model frymëzues që tregon potencialin e madh ekonomik të Vushtrrisë.
“Këto biznese janë dëshmi e potencialit të madh që ka Vushtrria, e që meriton mbështetje të vazhdueshme. Faleminderit për pritjen e ngrohtë dhe për shembullin e mirë që po jepni çdo ditë!” ka shkruar Idrizi.
Ai ka theksuar se mbështetja e bizneseve lokale do të jetë pjesë e prioriteteve të tij, për të nxitur zhvillimin ekonomik dhe për të krijuar mundësi të reja për qytetarët.