Me 640 vota, Gëzim Sveçla, kandidat i Lëvizjes Vetëvendosje për asamble në Komunën e Prishtinës, arriti të sigurojë ulëse në Kuvendin Komunal.
Gëzim Sveçla, i cili është familjar i ministrit të Punëve të Brendshme, Xhelal Sveçla, ndodhet në mesin 17 asamblistëve të LVV-së në Prishtinë që kanë siguruar votat e mjaftueshme për të hyrë në Kuvendin Komunal të Prishtinës, shkruan Indeksonline.
Prej 17 kandidatëve të LVV-së që do të hyjnë në Asamble, Nora Kelmendi prin bindshëm me 1782 vota. Arbër Vokrri është i dyti në listë me 947 vota, para Ermal Osmanit e Gëzim Sveçlës që kanë 732 e 640 vota respektivisht.
Triera Kasumi me 610, Mirsad Vitia me 608, Petrit Reqica me 584, Violeta Salihu me 563 e Besnik Mujeci me 544 vota vijojnë listën e më të votuarve.
Pjesë e asamblesë së Vetëvendosjes në Prishtinë pritet të jenë edhe Feim Osmani, Rita Zeqiri, Besart Krasniqi, Edmond Azemi e Berna Saraqi.