Ushtruesja e detyrës së ministrit të Shëndetësisë, Dafina Gexha-Bunjaku, sot ka zhvilluar një takim me përfaqësuesit e Asociacionit të Komunave të Kosovës, ku është diskutuar rreth masave kundër COVID-19.
Lidhur me këtë çështje, drejtori i Asociacionit të Komunave të Kosovës, Sazan Ibrahimi, ka deklaruar për Paparacin se në takim është diskutuar që të zgjatet orari i punës për gastronomët, kurse ora policore do të jetë pas orës 24:00.
“Sektori i gastronomisë është diskutuar të punojë deri në ora 23:00, kurse orë policore do të ketë nga ora 24:00-05:00. Mbajtja e maskës mbetet ende në fuqi”, tha ai në një prononcim për Paparacin.
Ndryshe, gjatë 24 orëve të fundit janë regjistruar 16 raste të reja me koronavirus në Kosovë.